Zogam Nuam | Muanching

Asa: Muanching  
Aphuak:Mangboi Tonsing
Music: Shang Naulak

1. Niim dildial e ih zogam nuam
   Singcih vacih te haam na gam
    Mual leh guam leh tullel hiangzaam hoih pan
   Zolawkta leh huivanu khuan na
   Ngilhni om diam ih zogam nuam.

# Etlawm sa'ng e aw zogam nunnuam
   Tukawl tawi a sa-bang tatna
   Lia-le-taang lungtuak ngabang lenna
   Ngilhni omdiam ih zogam nuam.

2 Mualdawn huihkhi siang hong laang in
   Tullel sem in vuang ngeelngeel e
   Etlawm sa'ng e zokuam damtui luanna
   Khokhaal vak lei lengthe khuanna gam
   Giabang zuunni lia-le-taang aw.

3 Tuukzin lummeii kai in bawm e
   Zuanhuai zolei mualcin sang aw
   Phavang sunni tumkuan eng singseng e
   Zogam mual-le-guam dum dildial e
   Giabang zuunni lia-le-taang aw.