ZINGSOL OSTRIC OCEAN

Song: ZINGSOL
Singer: MC Muan Ngaihte
By: OSTRIC OCEAN
Video: Ke's Ngaihte

Selung khuambang | Muana Ngaihte

Alaa: Selung khuambang
Asa: Muana Ngaihte
Deih Anglai-XII

selung khuambang ka gelkik zoulou
sangah machiang khiimbang ziing
taikhua hon tuah ding la omlou a maw
lungzuang sial kham khavei ka tul ding maw

#Simlei ah mizatam lai a
  nangbek hichia tangpaal kei din
  Aw.. umbang kholhpih gual zatam lai a
  Etlawm pen sang na paal kei din

vangngaih nun nem nangbek hichia
sangah ka lungzuang nem ding
anbang itna simthu khau bang hualkhawm sa
tualniam zong leng khuamual hon suahpih in

Tuun leh zua aw, ka vondeih lianu
nihgel puanbang sia ding hi
A lungdeih toh gibang khenlou in gawm in
lungdeih daibang a hong theng ding hi

Theibang seen lungzuan meltheih lou a | Thangboi Mangte

Alaa: Theibang seen lungzuan meltheih lou a  
Asa: Thangboi mangte 

I Pallai Nite

Asa: Zorock (Rosangliana)
Album:

Sian Aw Zolei ah | Nengzachin Thomte & V. Lianlunching

Sian Aw Zolei ah | Nengzachin Thomte & V. Lianlunching

Jamchinthang

Va-uk bang in | Jamchinthang


Damhoihching

Eite mahmah

 

Eigel lungtuak a | S.Chingnu

Khending gelmawng | Jemjem

Sakmel Etlawm

Asa:Thangboi Mangte

Aphuak:

Sakmel etlawm tulel heisa pallun
Tangpal zatam lunta maimit suanna
nang bang dings paal etlawm a omlou e
simlei tung miza tamlai a

Lunta vontawi mizatam lai ah
tangliam ken zong na tongdam sangnuam ing e
lunta vontawi mizatam lai ah
tangliam ken zong na tongdam sangnuam ing e

Hizong lel liang ing nasiang mabang patding
lunglai ka sialsial chiang zeh in zum ing ei
lia in ka tong naubang sang nuam kei lechin
tang lel liang guallai sawlbang ka heina
bangchin zeh in ka zum ngam diam

Sunsawt zansawt lunglai vabang thaam
nang nahi ka deihpen leh ka ngaih pen
Sunsawt zansawt lunglai vabang thaam
nang nahi ka deihpen leh ka ngaih pen

Sambang zaal leng zalmang in nuam in leng hang
khangthei bang ka lawh chiang thak simthu sang e
hi zong zalmang lel hi sinlai a na sang
zalmanmg mawng bang kawi lel maw ka tan ding
Sian aw lumbang hong sung ve maw

Sakmel etlawm tunlel heisa pallun
Tangpal zatam lunta maimit suan na
nang bang dings paal etlawm Ah omlou e
simlei tung miza tamlai a...

Itna Vangtah

Asa: Muana Ngaihte
Aphuak:
Deih Anglai - XI



Haw...........
Itna vangtah chiautuibang pal ing e
Bang dawh-ai hiam sakmin siatna lel hi
Thaikawi tongluan na selung na awi hiam
Lung hon sitle'ng vang k'ong ngailo ding
Vabang pillo sen-gual ka phakloh
Mel a thei in aw tong khauh n'ong luan

Nunlui vangngaih aw lunggel in
Na lung-awi hiam damtuisia n'ong luan
Liamsa nunlui i kholhkhawm nate
Lunglai gel in na selung awi hiam
Lunggel thak in aw ngaih nunlui

Nunlui in lah tongkhauh in eiho e
Senvual in lah ka lunggel theisiamlo
Bang dawh-ai hiam theisiam kei ve'ng e
Zin hawmkhelh hiam itna mitdel vang
Nalua sa'ng e aw itna vangtah
Lai ah nalua sa'ng itna vangtah

Itna vangtah van' vual tawh khen
Nunbang nuam a lenkhawm lainite
Luankhi tawh malbang ko zongleng
Sulkik simthu lah lelthei nawnlo
Keidi'n hon khualsam in vual aw

Sen vual in lah lunggel theisiamlo a
Ka simthu lel damtui kawiluan in la
Hon ngaidam in chi'n lel-lel zongle'ng
Ka kungtung ah lung-awimawh den e
Nihgel ka kungtung ah awilo
Hong lelpih ding khatbek omlo hiam?

Zatamte lehluan simthute
Lunglaigil in tongsia'n hong hozong
Tongsia'n ka lello lello ding
Keizong laukha siat simthu lel ing
Nangvang sakmin siat ka thanna

Nang itvang sen-gual mi genlo bang ing
Sen vual itvang nangding gello bang ing
Nalua sa'ng lung in thuaksiam la'ng e
Khapham tuangnung siahthei himai le'ng
Albang dahna lung ngilh in
Hiai nuai simlei tuangnung siah ta'ng e

Nunlui vangngaih aw lunggel in
Na selung awi hiam hibang n'ong ho
Nunbang nuam a kholhkhawm nate
Lung na gel in na zuang samlo maw
Nalua sa'ng e vangsel itna.............

Liamsa Nunlui

Asa: Muana Ngaihte 
Aphuak:

Lenmual dawn ah solkhapi hong tanchiang
Selung phawng e ngaih aw nunlui
Zan khawsawt in zalna laikhuntung ah
Na vangngai in luankhi nul ve'ng

*Liamsa nunlui i kholhkhawmna
  Sunkim lungzuan i sialkhawmna
  Khuamual ah tulsing/lumsuang zong polai
  Zanchiang sambang i zalna mun
  Lunggel mitkha in ka mu ngaih aw i nunlui
  (Tong hon dawngding omlo)

Ngaih aw ka heina a gam vangla pan
Pianna zogam zuanta ning e
Kumsawt zolei tangbang na damta in
Mel kimuh kikdong zalmangpha

Lenmual dawn ah solkhapi hong tanchiang
Gal in don dihv'aw i nunlui
Senlai naubang ka tei zolo e ngaih
Luai naubang sangding omlo

Zankhua Sawt

Asa: Muana Ngaihte
Aphuak:
Deih Anglai-VII

*Zan khuasawt khentani e
  Sianglam zothun e ngaih
  Zankhua sawtzong anglai
  Paibang pom chimkei ve'ng

Singdang siang zuanlai ding chi maw
Singdang siang zuannawn kei ning
Nang tawh kholhkhawm nunnuam e
Kholhkhawm nunnuam amlo maw
Kholhlai nunnuam am zongleng

Ngaih in vang mubang hon ngai ing
Khending simthu lelnawn ke'n
Khending simthu lello in
Taikhua valdong kholhkhawm le'ng
Tunnu khuaibang hangding hi

Gam Vangla

Asa: Muana Ngaihte
Aphuak:
Album:

Aw Ana E

Asa: Muan-a Ngaihte
Aphuak:

Nihgel holung tuak a tuibang gawm
Bang simthu tuang hong tung hiam
Nihgel tuibang gawmlai khenna ding in
Tuibang gawmna a tongchiam lung in na ngilhthei diam?

*Aw ana e mi zatam simthu lelvang leh
Na tun-le-jua simthu lelvang gibang khen
Angkawi ka sialna lungsik simthu lel nawnke'n aw
Lianu'n tangdang laileng tongdam naubang sangta ing

Tangpa na tongsuah ka sinlai ah
Tak simthu sa ing, hembiak tongdam
Naubang ka sankhelh vang a tuibang gawm
Tangpa lungtup ding in simsingbang gillo sa'ng e

Tun-le-jua lungpil vang in lianu
Lungmawl lungsit in gibang n'on khen
Na tun-le-jua lungdeih vabang pil tawh
Tuibang gawm in vondeih zatam hon tawita un aw

Bangchi dan a le - Muana Ngaihte

Alaa: Bangchi dan a le
Asa: Muana Ngaihte
Aphuak:
Album:

Nam sepaih

Asa: Muana ngaihte
Aphuak:
Deih Anglai-XI

Zogam vang a sianmang siang a ka thumpih zel
Nam sepaihte zotangbang hong dam un
Noute vang in i gam leh i nam henkol tang
Luainambang i sutzo ngeiding hi

* Silhpuan piandang duang ah bat in
   Foreign khutsuak kawlchiang angpom in
   Gamdai tuanglam a haizong in lungliap kei un
   Sian in naubang hong kemden ding hi

I gam elte'n machiang suanzong lunglel keini
Pupa satsa suahlam phaizang teng
Zogam vang in zolai-zopau i sinsak di'a
Salpha teng tawh gamlei hong palding

Lei dogal khuaibang hang panta zogam lei ah
Paljaw gamlei selung lawp uh e
Heidan danglo zovon-tawite holungtuak in
Dogal patbang saikhawm veni e

Khen thamlote gibang khenle melmak singta'n
Nuihchiam in hong lelding uh a maw
Suahlam gamteng gawlbang umle'ng selung muang di'a
Zota lungdeih kimpanta ding hi

Lailung Zuang In

Asa: Muana Ngaihte
A Phuak: S. T. Hauzel
Album: Deih Anglai Vol. VIII

Lailung zuang in bangteng ka gel chiang in
Lenmui a kai chii chiai e lenna gam
Lungtuak lenna saulim ka muh chiang in
Mitkha’n a luai den e ka lungdeih ngaih

(chorus)
Kaplou in luankhi a luanglou
Huih nunglou in singnah a linglou
Thangvan sang ah meipi kaai lou in
Tulvuah a luanglou
Kei zong ka lungdeih anbang ka it vang in
Luankhi ka nul e

Ka sinlai na damni a om diam aw
Lengdang siang ah sanmun na muangta maw
Zalna laikhun tung ah na zal chiang in
Lailung gel in selung na awi na maw

Kaplou in luankhi ka nul lou
Huih nunglou in singnah a linglou
Thangvan sang ah meipi kaai lou in
Tulvuah a luanglou
Kei zong ka lungdeih anbang ka it vang in
Luankhi ka nul e

Ka selung a mawl vang hiam aw ngaih
Laidiip na in luankhi in hon tuum e
Hambang vai ing zaitha ka nem lawm e
Sambang zalmawh ing taikhia vaal ta e (chorus)

Damsung adi'n

Asa: Muana Ngaihte
Aphuak:
Deih Anglai-IX

Zalmangpha damsung adi'n mangpha nunlui
Na deih anglai siang zuan in khaubang chiahta'n
Sanggah lungmawl nangdi'n ka chinglo
Selungmuang in laitual valeng in aw
Lungsiklo sul heilo limbang va bel in

*Na deih anglai ah sambang na zalzong in (Deih chibang tel tawh na zal hunchiang)
  Genthei kei khatveibek hon gelthak sam in
  Nangvang a kahna sakmin siatna
  Na selung in gel in aw ngaih nunlui
  Chinglo a naubang kinohna munte
  Lobang in tulta tul zota e
  Aw ka phallo singdang tanding in
  Aw ka phallo aw ka phallo......

Zalmangpha damsung adi'n mangpha nunlui
Angkawi di'n singdang na hingzong nunlui aw
Keidi'n khabang phamsa hita chia
Luankhi kaitui aw nangkia na hi e
Ka lunglai natna leh thuakna theisiamtu

Zalmangpha damsung adi'n mangpha nunlui
Gal khua dakle'ng tangchih lenmui kai zilzial
Vangngaih tawh nunnuam kholna munte
Zuan luankhi ..............naubang sang
Sakmel a tai zolo gampabang mual e

Zalmangpha damsung adi'n mangpha nunlui
I simthu mualsa lel in awi-awi zongleng
Nahsingbang dawnthak thei samlo ding
Nangzong na kawi siang keizong ka ngaih siang
I nunlui ngilh in lengtuakni maw mangpha

Asa: Muana Ngaihte
Aphuak:
Deih Anglai-X

Zosuan laizom zata tualniamten
Na lailung uh chim in gelthak un
Lungzuan na e lungzuan kan in sang
Khawkhal tuibang n'ong lakna'ng nailo hi

* Zogam Mosi ding lah omlo maw
   Zogam Ganchi ding piang nailo hiam?
   Simthu lel tawh maw anbang n'ong it uh
   Na selungguk lah tang zoke'ng
   Tulsa zolei k'ong it kichite
   Sesum ngai hijaw uteh

Sak-le-khang ah singdang gamlei
Kilbang khang in pakbang lun e
Kei aw chikleh sunnibang tang in
Vondeih zata'n ka khavang zoding hiam?

Vondeih miza selunggil in
Gelthak un na tusawn-khangsawnte
Vaimang sesum sang in na gam uh
Tualniam zolei hong ngilhkei un aw

Zuang Lo Veng

Asa: Muana Ngaihte
Aphuak:

*Kei aw zuang in zuanglaw ve'ng e
  Sen-gual na vangngai in
  Keile ka suihlung a leng e
  Ngaih aw la vangngai in

Zan khawsawt zalna laikhun ah
Sambang ka zallai in
Liamsa noplai nite gel in
Maimit ka singmawh e

Singkhual vangla ka heina pat
Ka hun thilzing ngaih aw
Lanu lungmawl hiziang mahleh
Maimit ka sing zopuai

**Keile ka suihlung a leng e
    Ngaih aw na vangngai in
    Keizong zuang in zuanglaw ve'ng e
    Vual aw na vangngai in

Singdang anglai

Asa:Muana ngaihte
Aphuak:
Deih Anglai-XII

Aw..........aw...........aw..........
Sing gamlei pan' na siang lambang k'on zotchiang
Vondeih anglai na pomta di'a
Maimit suan le'ng tangpa keidi'n luankhi kia e

*Singdang anglai n'on zal santa
  Selungliap in lung ka mawlzong
  Tangpa ka hi lungtup siamsin
  Khaubang sut in hanlung chiamning
  Lungtup siamsin tangpa ka hi

Lungkiak simthu lah lello a maw ngaih
Singdang anglai na belh maijaw
Theisiam kei ve'ng lai ah na lua luankhi kia e

Heina dangzong hon ngilh keining ngaih aw
Selung muang in khaubang chiah aw
Nang a ka hi khuambang kipning chi'n n'on nem/chiam a

Vangngaih

Asa: Muan-a Ngaihte
Aphuak:
Deih Anglai-III

Na vang k'on ngaihna bang zokei ve'ng e
Vondeih ka tawizong nangkia hon gellai ing
Senchil vangngaih nang n'on sialngei hiam
Nunnuam lenlaini ke'n ngilh theikei ve'ng

*Vangngaih vangngaih chi'n k'ong sam
  Tong hon dawngding omlo e

Tullel heisa aw sakmel etlawm chia
Vabang na pilna leh na siamna hoihte
Kuata'n gelzo ding sakmel etlawmno
Pal zatam lai ah tuibang na ching hi

Simlei mizata nunnuam in leng u'a
Kei aw na vangngai khattang duangvul ve'ng e
Lungzuan hehnem siam nangkia hon ngai ve'ng
Sul heiding simthu lello ding maw ngaih

Sannem Ngaih Aw

Asa: Muana Ngaihte
Aphuak:
Deih Anglai-V

Mel muhchil lunglai hong kuai lianu aw
I love you k'ong chihding lah zeh in zum ve'ng
But i can't stop lovin' you
Gawmding simthu lelmaini
Lenpih vual zatam zong tuibang gawm e

*Aw....sannem ngaih aw nanglo in
  Aw...sannem ngaih aw without you
  Khattang kumsawt gamguabang hing zokei ning

Wherever you go na lailung sung ah
Ka vang mubang hong ngai om chih gel in
I've no one to rely on
Nanglo belhding dang neike'ng
Selung gelsiam inla tongdam hon sang in

Angkawi Toh

Asa: Muana Ngaihte
Aphuak:
Album: Deih Anglai Vol-VIII

Kumsawt khenlouh dia tongchiam
Theibang hut mai ding lawmlou e
Paalzaw anglai sambang zal ding
Paamlua sa’ng e gel ngam la’ng e
Ka phal lou e singdang ang a vul din

(chorus)
Bangdia tong hon sit phung dang tang sa
Gel a sambang zaal mawh ka hiam
Bang din chiam pel khua hontuah lou
Ngilhmoh lung a veiden ka hiam
Ken aw ngilhmoh omlai vei lawh zong
Ngaihtam ka sial mel a thei pha lou
Angkawi toh sambang zal ding hi e

Tung sunni le solkha tang
Kei din nguizou ta, piandang sa’ng
Lungdeih toh tongchiamna solkha
Maimit suan ngamla’ng nunlui phawng
Mualliam ta’n omlai vei lawh ing e (chorus)

Ka lunggel puak sing bang gik
Ka heina aw pian in dang e
Ka zuanna aw mei bang theng mawh
Tong kuppih ding om lou uh e
Tong a hon dawng luan kaitui lel hi (chorus)

Nangkia na hi

Asa: Muana Ngaihte
Aphuak:
Deih Anglai-VIII

Lailung muang a lengsam ding in
Ka tong naubang na sang in ngaih
Nanglo singdang duangkuai omlo
Lungzuan hehnemtu nang na hi

*Hemlam tong luansiam vang hilo
  Nangngaih simthu lel ka bangtheilo
  Nangkia na hi tangliang lung kinepna
  Lungsitlo tongdam naubang hon sang in

Singdang heisa zatam lai ah
Etlawm pen sa'ng na pal keidi'n
Tung solkhabang hong tangzel in
Tangzuang sawlbang banna'ng in ngaih

Zatam vualgen vangngaih simthu
Lelsiam simthu'n lel keini ngaih
Lungzuan kihehnem kawm zel in
Tak in naubang kisangni ngaih

Suahlam Tang

Asa: Muana Ngaihte
Aphuak:
Deih Anglai-XI

Anbang ka it lia-le-tang aw gel un
Zaila ka awi na ngai un
Selungguk ah ngilhni omlo
Sawlbang ka heina munpeuh ah

*Zanchiang solkha leh tung si-al tang en in
  Zingnino koipan' hong suak hiam aw
  Tangliang ka heina suahlam tangdawn hi

Vabang lengthei le'ng ka lungdeihte siang ah
Simthu ka lelding za in tam
Hambang huaisiam leng huainuam ve'ng
Huaisiam tunnu pham zota e

Zingnino hongsuak lenmualdawn pan in
Tangliang heina tan singseng e
Tumlam zanggam ah heinuam ve'ng
Sanggah heina suahlam tangdawn

Valsam kei Ning

Asa: Muana Ngaihte
Aphuak:
Deih Anglai-III

Vachih in zong sanmun muang e
Sanggah kei jaw belhding neilo
Siansiam tangbang ka damding a
Pallai khaubang val samkei ning

*Nihgel itna kumvei zolo
  Tun-le-juate'n palbang hon nang
  Singdang tandi'n ka thanpihse
  Sumbang tuahma'n gibang i khen

Kumte puanbang hong thak zeldi'a
Duangkuai nang jaw na itpen tawh
Nunnuam laitual n'ong lengding u'a
Keijaw chianglo tuabang hi ing

Dawh kaituibang hon jawl ngamla'ng
Phulo tangliang zeh in zum ve'ng
Vangngaihno lah sulhei theilo
Ka tong tuibang nemlo hiam aw

Hong gel nawnken

Asa: Muana NgaihteAphuak:
Deih Anglai-XI

Deih chibang na tel anglai pom in
Kei hon ngilhta in aw hon gelnawn ke'n
Na lungzuang sak ke'nla lailungmuang in
Kei hon ngilhta in aw hon gelnawn ke'n

*Liamsa i noplai nite zalmang tangta hi chini
  Na selungguk ah na gelngei ding maw ngaih aw i nunlui
  Tua hizong leh kei hon ngilhta in aw
  Hon gelnawn ke'n

Vual in nuihchiam lelzong zehzumlo e
Kei itna sialbang lian lianlua sa'ng e
Muikhua a hong zingdi'a vualngai ning e
Lungzuan banna'ng omlo hon ngai ing e

Na tun-le-jua lungdeih tang paljaw siang'
Nunnuam na lengta aw hon gelnawn ke'n
Kumsawt lobang tul inn sanmun muang aw
Kei hon ngilhta inla hon gelnawn ke'n

Hongel samin

Asa: Muana Ngaihte 
Aphuak:
Deih Anglai-V 

Naubang nui a i kholhkhawm nate
Tang kei selung a zuanna lel hi
Pello di'a i simthu chiamsate
Tun-le-jua'n guikhaubang a phelta maw

*Ana e selungguk anlua e
  Tang lungmawl in theisiam kei ve'ng ngaih
  Na tun tongsuak ka sinlaiguk ah
  Nalua e ngaih aw hon gelsam in

Chinglo ka tantawk luankhi nul in
I sulnung khattang ka zuizel a
Tung si-al leh solkha tangkal ah
Lengthei le'ng nangngaih lenpih nuam ve'ng

Lungzuan nemsiam ka ngaih palno aw
Zanglawibang thang zota chiam simthu
Na tunnu simthu lelsiam vang in
Sanggah khattang ka heimai ding maw

Tongdam sangkhelh

Asa: Muana Ngaihte
Aphuak:
Deih Anglai-II

Nunnuam a lenlai nite zong maw
Ngilhni omlo ding sabang tatna
Na tongchiam ngilhni om ngeilo ding
Lunglai ah hon ngilh ngeike'n aw

*Lenpih ding ngak a ka omlai in ah
  Na lungmuang zolo hi maw ngaih
  Duatsiam tangpa zuan inla tongchiamnu
  Phualvabang lengta in tongdam sankhelh

Hizong leh hon ngilh ngeike'n aw
Hong nemding om diam simlei ah
Hichitel a vangngaih na hi maw
Et chimloh ngaih na tulding maw

Tongdam lungtup lengdang pom in
Lunmang vontawi tangpa zuan in
Singgam ah simthu lelkhawmta un
Daitui phuloh singdang tongchiam in

Senchil vangngaih

Asa: Muana Ngaihte
Aphuak:
Deih Anglai-IX

Theibang senchil pan vangngaih
Ka suihlung muanna leh kinepna
Bang dawh-ai hiam gibang hon khen
Zin-le-sian hilo kei lungmawl vang

*Holung tuak chiambang nuih laini
   Zalmang banglel hita
  Sabang tatkhawm nate maimit suan ngamla'ng
  Lobang tul in piandangta e

Lailung in ngilh zola'ng e
Keisang' paljaw siang guibang zom in
Amual zatam na liamzong in
Ka lunglai ah lobang tulmawh chia

Selung sik in sulhei zong
Ngaih in paldang sang nunnuam lengta
Nangngai a huibang ka mauna
Nangdi'n kumkhua'n vangphatna hihen

Heina peuh ah

Asa: Muana Ngaihte 
Aphuak:
Deih Anglai-X

Heinapeuh ah ka lawhching theilo aw
Chikleh na minlawh tahpuanbang ka bangthei diam?
Lenmual n'on khum santa maw lunghei nawnlo ding in

*Siang sungkhat a heikhawm nunnuam hina e maw
  Singdang englo kholhlai nuamno giabang zundi'n
  Zanchiang zalmang bek in sul hong heikik dihv'aw
  Kum khawsawt huantubang ka chingding in

Sabang ka tatna teng na sulnung hi
Khattang giabang zundi'n ngamla'ng luankhi'n hon tum
Chikleh ka luankhi nul sawlbang(puanbang) ka bangding hiam?

Mi zalai maimit in k'on zongzel a
Hizong dawnbang tuahchiang lakmai subang na sel
Nalua sa'ng e khamkha vei a ka tulding maw

Pakbang Tawi Ni

Asa: Muan-a Ngaihte
Aphuak:
Deih Anglai-XI

Lailung ka gelchiang ka ngilh theilo e
Singta'n khuambang luah zingvai hawmzong leh
Sanggah ka pianna kilbang ka khanna
Kha ka phamdong in ka gam hi chi ning

*Deihdang neilo tunnu zogam
Giabang zun in pakbang tawini
Nunnuamni lia-le-tang aw
Giabang zun in pakbang tawini

Phamsa gualngaihte ngilhni omlo e
A sakmin ngaih uh zaila'n ka awi e
Zogam liangvai leh ami zatamte
Pakbang a lutdong ngilhni omlo ding

Zota zolei ah pheiphung suankhawmni
Sesum ngaihvang dogal kisiah keini
Machiang khankhua ding gel thaknawn veni
Lung na sik di'a hun mualliamta ding hi

Hei Sabang Pal

Asa: Muana Ngaihte
Aphuak:
Deih Anglai - III

Zankhua sawt zong maimit sing maw
nang ngaih bang in zalna laikhun tung ah
mailam hinkhua ding ka geel chiang
nasakmin ngaih gibang loukha zel ing

*Hei Sabang Paal zatam lai ah
  Nangbang ka it singdang omlou
  Hei Sabang Paal zatam lai ah
  Nangbang ka it singdang omlou
  Nihgel lungtuak ichiam simthu te
  ngih keining aw simlei guabang i hinsung

kinemtak in ka om gige
leenpih gual ten hon pampaih zong le
itluat ken malbang hon kou veng
heina dang zong gin omtak in omzel ni

Nang siang nunnuam zatan hongleng
singdang palzawn tuibang honzawl chiang
lungsit sulkik na heinop leh
phulouh tangliam hon theisak thaknawn in (2)

Tongdam sangkhelh

Asa: Muan-a Ngaihte 
Aphuak:
Deih Anglai-II

Nunnuam a lenlai nite zong maw
Ngilhni omlo ding sabang tatna
Na tongchiam ngilhni om ngeilo ding
Lunglai ah hon ngilh ngeike'n aw

*Lenpih ding ngak a ka omlai in ah
  Na lungmuang zolo hi maw ngaih
  Duatsiam tangpa zuan inla tongchiamnu
  Phualvabang lengta in tongdam sankhelh

Hizong leh hon ngilh ngeike'n aw
Hong nemding om diam simlei ah
Hichitel a vangngaih na hi maw
Et chimloh ngaih na tulding maw

Tongdam lungtup lengdang pom in
Lunmang vontawi tangpa zuan in
Singgam ah simthu lelkhawmta un
Daitui phuloh singdang tongchiam in

zuang hongthou in

Asa: Muan-a Ngaihte
Aphuak: 
Deih Anglai-VIII

Selung khuambang ka gel-gel chiang
Muang theikei ve'ng sambang khenna
Tongdam sansi ka von gialbang daizo
Theisiam kei ve'ng na tun lungmawl in

*Zanchiang zalna laikhun tung ah malbang ko ve'ng
Tong hon dawng in anbang ka hawm
Ka vondawng aw hon ngai ve'ng

Vondawng khabang na phamna mun
Melmak singta vangkhua lai ah
Laigui khaubang na tahding kuan in aw
Na tun-le-jua lung in na gel maw

*Zuang hong tho in ka von ngalliam zuang hong tho in
Simthu holung i kupsate
Na tunnu luankhi dinglel hi

Sakmin theibang hutlo ding in
Na tun-le-jua, laizom teng in
Lumsuang dawh in zaila'n naubang awi ung
Laukha selo sanmun na muang in* /**

Deih anglai

Asa: Muan-a Ngaihte
Aphuak:
Deih Anglai - I

Deih anglai i zalzong in
Hon ngilh ngeikei ning vangngaihno
Sunkhua sawtchiang in gibang khending
Lunglai na sial tutkhawl ngeilo

A nalua e maw e
Nungchiang haibang hong lel zongleh
Chikchiang lailung k’ong ngilhzo doam?
Gibang I khenthei diam?
Aw……..

Singdang lailung ngilhzong
Hei naikei ve’ng vang k’ong ngaihna
Sunkhua sawtchiang gibang khen khending
Lunglai in hon ngilhkei ing

Lengnuam ing

A sa: Muana Ngaihte
Aphuak:

Lengnuam ing 

Lei lunmang aw na lal hi,
Sesum aw vai na hawm hi
Sanggah kei aw kimpih bei
Sanggah ka  nau kimpih bei

# Pialgal gam ka ngai ngei e
    Mite gen tua gamnuam
    Ganthei luankhi nul nawnlo
    Tatsate tawh lengnuam ing

Tung lunmang hong tualkum in
Genthei kei heh hong nem in
Tatsate lenna gam ah
Tuai momno tawh lengnuam ing

Zuun Louh Gam

Phuak: V. Paukhansiam (V. Siampu)
Asa : Damhoihching & Thangchinlian
Album: Jun louh Zogam - Vol.1

Heina vangkhua pan gaal in don dih ve ua,
Sabang I tatna zuun lou diing maw;
Pi leh pu, tun leh zua, tha - le - ngal senna gam,
Zogam luankhi toh luntate’n kah ngei lou diing.

   Aw zunlouh gam lummei in bawm,
   Lungpil a siam hi lou zong (Hi lou zong);
   Neih leh lam nei lou zong,
   Tuipi’ sang’n sisan gik zaw,
   Lelliang gentheite’n Zogam giabang zuun diing hi.

Mimbang pianna gam lung a ngilh denta diing maw,
I vangkhopite zu leh sa’n nuam,
Chikmah chiang luankhi toh ka gam ka it chi lou diing,
I vangkhopi zong ngalsaute’n tang zouta hi.

Koplai Puanbang

Asa: Muana Ngaihte
Aphuak:

Ngaih in sambang khenlo in
Singdang siang ah zalta e
Lung ki-awi sa ing e ka ngaih
Ngainapi'n sambang khenta'ng

*Koplai puanbang se nailo
  Hizong lunggel kisia hiam?
  A guk in singdang siang zuanta
  Lailung dam e zalmangpha

Liamsa nunlui ngilhta in
Na kawi in mel in theileh
Selungliap ding hi e ngaih aw
Anglai simluan selsiam in

Vangkhua lai ah ka lenchiang
Vual in bang simthu lelding hiam
Nang a hilo maw hong chi ding
A guk in singdang a hi

Khiaklah nunlui

Asa: Muana Ngaihte
Aphuak:

Heina dang in lungtup kidang
Singlel simthu sangmai in ngaih
Solkha tangzong kidangta e
Kumsawt lung in ki-ngilh tani

*Khiaklah nunlui melma suakta
  Gawmding simthu i lelteng zong
  Dawnbang tuahna'ng vang in la e
  Lungtup gamzong kidangta e

Kei zuan luankhi'n zogam zel hiam
Nangngaih lunglen hon ngilhsak ding
I tongchiamsa gambang dai in
Lelliang zogam pallunta ding

Vansin nuai ah gibang khenzong
Laizom dogal daibang thenchian'
Vandum khen ah laitual leng in
Dawnbang tuakni khiaklah nunlui

Khiaklah CN

Asa: Muana Ngaihte
Aphuak:

Khiaklah CN hon ngaidam in
Kei ka nunna tual in niam e
Simthu zatam chiamte teng tawh
Kumsawt khaubang na valsam in

*Nihgel lungtuak vang mubang ki-ngaih ding
  (Nihgel vang mubang ki-ngaihding gel in)
   Zin in khen hiam na tun-le-jua in
   Tawndan kibang chi'n gibang n'on khen
   I biak tung Thianmang kibang hi

Naubang nui a tong chiamlai in
Nang a ka hi chi'n n'on pom a
Khiaklah simthu i lelsate
Phulo keidi'n zalmang suakta

Lenchil tongsan itna hawmsiam
Na siang GM ngai nawnkei ning
Nibang hong tang mahlechin zong
Nangngaih luankhi daibang thengta

Khentani

Asa: Muana Ngaihte
Aphuak:

Simlei ka nunsung kei zuannem ding omlo
Na sakmel etlawm nibang tangven
Hizong ka siang ah lummeibang in zing
Zotuibang luanden di’n haibang ngak ing

Hong ngilhkei ning vangngaihno san lianu aw
Holung kuplai lunglai ah vaibang thamden
Nunnuam I lenna vangkhua gal ka dotchiang’
Tong hon dawngding singdang omlo hi
Sulkik heinawn in ngaih ka siang zuandi’n
K’ong itna simthu khaubang sutkhawm veni

Kholhpih lawmgualte’n palbang hong nangzong in
Anbang k’ong itna tullo ding hi
Na deih anglai ah na zalzong in maw
Tongsia hong lelke’n nunnuam in zalmangpha

Anbang ka it

Asa: Muana Ngaihte
Aphuak:
Deih Anglai-II

Anbang ka it nanglo in jaw
Simlei nunnop pallun zongleh
Ngaihtam ka sialna ding lel hi
Aw a thuak in ka thuak zolo

*Phulo vangngai ka hi hiam aw
  Tang lungmawl in theisiam kei ve'ng
  Silhpuanpha lah bat zokei ve'ng
  Chinglo hi'ng e hon heisan in

Ngaih tongdam lah sanni omlo
Nunbang nuam di'a hon gel na hiam?
Lenpih gualte'n hong lel uh e
Tongdam naubang sangding ka hiam?

Vual in ngaih siang lambang zong a
Kei ngaih heina tangdang zota
Selung puanbang siatman hikei
Gibang hon khen jawmai in ngaih

Anbang itna

Asa: Muan-a Ngaihte 
Aphuak:
 

Anbang k'on itna tongdam hon dawng in
A kumkhua sawt hunte mualliam zota
Vang k'ong ngaihna tul theilo hi

Mabang pat zehzum sialbang lianlua chi
Haibang ngak hunte mualliam zota
Hizong tu-in mabang hong panta ing

*Aw na vangngai in sawlbang vul ve'ng
  Lung in theisiam in/lo vangngaihno
  Zehzum khual zolo mabang k'on pan
  Naubang hong sang in ngaih

Ka heinapeuh ah lailung ka gelchiang
Nanglo muanna dang omlo simlei ah
Ngaih hon gel in vangngaihno hon gel in

A Lensiam huiva

Asa: Muana Ngaihte 

Aphuak:

 

Endih ! U Muan, huai a lengte bang a........

Zatam vual gen a lensiam huiva hi

Khattang ka zuanna gamdai ah

Tua a lensiam vabang hong leng aw ngaih

*Sunchin lungzuan sial zanchiang zuan zaideih awi

  Lelsiam simthu'n lel zolo e

  Tang kei ka zuan gam mawngsingbang sang

  Nunlui ngai in ka tulding maw

  Na vangngai in ka tulding maw

I tung sunni mualhem a hong liamdi'a

Khattang laitual ka leng ngamlo

Nang tello in vangkhua a dai zota

Lengthei hileng na siang hong lengnuam ing

Khattang ka zuanna gamdai ah

Heh hong nem di'n ka siang hong lengve maw

Mi zatam lai

Aphuak/Asa: H.Muang a

Nuai simlei mi zatam lai ah
Hambang vai sawlbang ka vul in
Nemtu ding bei gual zalai ah
Khattang sawlbang hei ve’ng e

Kei ka heina tual in niamlua
Deih simthu dawh kaituibang ka jawl ngamlo
Keibang gahliang omding hiam aw
Guallai zumloh vakbang ka leng vai ing e
Aw ………

Ka saudawh tual khimkhuabang zing
Laizom chile’ng malmak tangta
Naubang hong pom ka tun-le-jua
Luankhi ka nulna’ng lel hi

Selung kituak machiang kikha
Dogal palbang nangkhawm theilo
Simlei gamguabang ka hinsung
Pabang ka mualhna’ng lel hi

Khentani

Asa: Muana Ngaihte
Aphuak:
Deih Anglai-I

Simlei ka nunsung kei zuannem ding omlo
Na sakmel etlawm nibang tangven
Hizong ka siang ah lummeibang in zing
Zotuibang luanden di’n haibang ngak ing

Hong ngilhkei ning vangngaihno san lianu aw
Holung kuplai lunglai ah vaibang thamden
Nunnuam I lenna vangkhua gal ka dotchiang’
Tong hon dawngding singdang omlo hi
Sulkik heinawn in ngaih ka siang zuandi’n
K’ong itna simthu khaubang sutkhawm veni

Kholhpih lawmgualte’n palbang hong nangzong in
Anbang k’ong itna tullo ding hi
Na deih anglai ah na zalzong in maw
Tongsia hong lelke’n nunnuam in zalmangpha

Zua Aw Na Laukha

Asatu   - Thawnkham
Aphuak - Thawnkham
Album  - Itna Ngaihna

Theibang senlai tun-le-zua
Laizomteng toh saumang lim nuai ah
Lungzuan dahnate omlou
Tun-le-zua aanglim nuai ah
Lailung muang in sambang ka zallai
Hunte sullel lou ding a

Dahna huihpi'n hong nawk in
Kahna aw in meipi bang hong tuam
Sihna'n nang hong zouta maw
Tuahlam maimit suankhawm in
Utloupipi'n sihna hanmual ah
Gibang nong khen maw pa aw

   (*)Laukha in mubang hong leng in
      Lou bang hong vil zel in pa
      Simlei meipi zing nuai ah
      Nuntak zia ding honghilh
      Ka tun luankhi hong nul in
      Na von sanggah lungmawlte
      Na lenna thangvan pan
      Thupa hongpia lai aw

      Zuang hong thou dih in pa aw
      Na nua chiang ah meigong tagahte
      Mubang hong ngai ung e pa

Nopna dahna hongtun chiang
Inn vai lou vai gel ding a om chiang
Kou vuak in chin zoukei ung
Beh-le-phung u-le-nau sung
Gen ding hawm ding sep ding om chiang
Na vang kisam pha ung e

Zalmang in hon man zel ung
Na khut ma leh na khe ma te in
Lungzuan vabang phawng zel e
Na zalna Sian' anglai pan
Kou a di'n thu hong ngetsak lai aw
Chikchiang mel kong mu zen tam (*)

Pianna Ka Zua

Asatu: Thawnkham
Album: Itna Ngaihna

Simlei mimbang ka pian pan
Tun-le-zua anglum sung pan
Chin-le-tuai nih-thum toh sei sang tang e
Sian in lumbang hong sung ven
Siamsil sinna sau nuam pan
Gual toh tan bang kim in Sian in hong siam aw

Sesum minthang ka lohni'n
Lungdeih lia nem ka tawini'n
Pianna ka zua ngai in naubang kap ing e
Siamsil minlian ka muh ni'n
Vohdeih lianu ka tawini'n
Pianna zua aw nangmah vang hi chi'ng e

     (*) Pianna zua aw zuang hong thou aw
          Sian min lou zaideih awi khawm ve ni e
          Zua siang sau nuam zua min lohna
          Kumsawt khuambang luahdi'n Sian in siam hen

Ka luankhi nulta ning e
Ka kahtam khawlta ning e
Ka tun lungleng luankhin nul ding Sian siam aw
Chin-le-tuai nih-thum teng toh
Sian aw lumbang hong sung aw
Kumsawt khuambang hing ding Sian aw hong siam

Nang Lo In

A Sa: Thawnkham
Album: Zogam Aw

Khattang Sawlbang ka hei a
Bah le ngui ka omlai in
Ka siang vabang hong leng in
Ka ni bang tha hong pia’n

Itna gilkial dangtak in
Lungleng a ka omlai in
Itna damtui hong luan in
Ka kho-ul puanbang nong nul sak

Tehpih ding a dang omkei
A lianzaw itna omlou
Ka lungsim ka nuntakna
Avekpi’n hong pia ing

Tun le sua in khenkei hen
Zin le sia in keh kei hen
Kal simthu in khenkei hen
Lungtuak a tong ichiamsa hi

Nanglou in dang omkei
Ka lungmuanna in nang na hi
Aw sun le zan a tawntung
Ka lunggelna nang hi

Nanglou in hithei nawnkeng
Ka lungmuanna in nang na hi
Aw ka nuntaklai sungteng
Angkawi ding chibang kong tel

Simlei meipi zing nuai ah
Haksat nupna thuakhawm din
Lunghiam lungnei kei in aw
Itna in gual hongzou sak ding.

Nanglou in a dna gomkei
Nanglou in hithei nawnkeng
Ka lungmuana in nang na hi
Aw ka nuntak lai sungteng


Khattang Sawlbang ka hei a
Bah le ngui ka omlai in
Ka siang vabang hong leng in
Ka ni bang tha hong pia’n

Itna gilkial dangtak in
Lungleng a ka omlai in
Itna damtui hong luan in
Ka kho-ul puanbang nong nul sak

Nang na zuang lou maw

Asa: Lengtong Pauno / Thawn Kham
Aphuak: Lengtong Pauno

Melmuh chiil pan sinlai a thaam
maimit laukha a luaiden
mizamtak lakpan maimit hemlam a
etchim theihlouh hichia

sunkim lunggulh zanchiang zalmang
nihgel houlung kumkhawm in
khangthei lou in ka zalmang hisese                 
taksimthu hileh maw chichi ing e

vang kongngaihna kum khua sawtta
leel nop deih simthu za in tam,
nikhat  kong muh louh kum kivei bang
tangkei zuan bang lia nang na zuang lou maw

itna tak toh nang kong it a
tomvei sung itna en in
simlei nunsung sihna loungal hong khenzoulou
ding itna hi

kei ngaihbang a vang nong ngaihle
khenlouhding tong hong chiam in
tomkal nunsung nihgel  lungtuak tuibang
luangkhawm ding in haibang ngaklah tang e

vang kongngaihna kum khua sawtta
leel nop deih simthu za in tam,
nikhat kong muh louh kum kivei bang
tangkei zuan bang lia nang na zuang lou maw (2)

nikhat kong muh louh kum kivei bang
tangkei zuan bang lia nang na zuang lou maw

Paite Lyrics

Paite-Laa-Siamte